Гродзенскiя прысмакi

Распрацоўка фірмовых крамаў Гродзенскага мясакамбіната

Дата: 2019-2022
Паслуга: нэмінг, распрацоўка лагатыпа, брэндынг, дызайн магазіна

Наш сталы кліент з 2019 г. Гродзенскі мясакамбінат (ГМК) звярнуўся да нас ад пачатку з замовай адно на распрацоўку POSM і падрыхтоўку адкрыцця сваёй крамы ў Мінску. Але па выніках брыфа і аўдыту розніцы выявілася, што неабходна распрацаваць назвы для рытэйл сеткі ГМК, яе лагатыпу, элементаў фірмовага стылю, гандлёвага абсталявання, дызайн-праект памяшкання і тэхнічную дакументацыю.

У выніку мы распрацавалі фірмовы стыль і маштабуемы дызайн крамы, вынікам чаго стаў рытэйлбук. У межах дадзенага праекта былі распрацаваны ўсе элементы POSM і брэндзіравання ГВА. У якасці асноўных колераў былі абраныя белы, графіт і акцэнтны чырвоны. Зрабіўшы ўхіл ў такую гаму і часткова прыродныя матэрыялы, мы паспрабавалі максімальна адысці ад звычайнага лофта і тыповых для яго брудна-цёмных колераў цэглы.

З таго часу мы ўжо бралі ўдзел ў адкрыцці больш чым дзесяці аб'ектаў брэнду ў Гродна, Мінску, Лідзе і Скідзелі.

Рытэйлбук утрымлівае элементы брэндавання ўсяго абсталявання, якіх можна перанесці на любыя аб'екты брэнда. Гэта тычыцца ў тым ліку і халадзільнага абсталявання.

Падчас працы над гэтым праектам мы фактычна распрацавалі новы фармат магазіна, які спалучае рысы іншых крамаў брэнда і новага напрамку - невялікай кавярні. Паколькі Скідзель - невялікае мястэчка непадалёку ад Гродна, лагічна, што гэта лакацыя можа выконваць яшчэ і цікавыя грамадскія функцыі публічнага месца.

Новы важны элемент, які мы ўпершыню ўвялі тут і пазней маштабавалі на іншыя крамы ГМК, - інфармацыйныя банэры на гістарычную тэматыку. Банэры тычацца мясных традыцый Гродзеншчыны ў XVIII ст. - часу, калі край займаў важнае месца ў палітычных справах тагачаснай Рэчы Паспалітай, а Гродна было адной з рэзідэнцый караля і месцам правядзення вальнага сойма. Сама постаць караля Аўгуста ІІІ, які панаваў у сярэдзіне XVIII ст. і збудаваў Новы замак у Гродна, адсылае да брэндавага героя ГМК і звязвае з рэльным мінулым.

Важная рыса праекта - яго гістарычная складовая. Памяшканне, у якім знаходзіцца крама-кавярня з'яўляецца часткай гістарычнай забудовы мястэчка мяжы ХІХ - ХХ ст. Гэта паўплывала на шмат якія рашэнні падчас працы над гэтым аб'ектам. Інтэр'ер выкананы ўжо ў традыцыйнай каляровай гаме брэнда з элементамі дрэва.